Board logo

標題: [Other] 雀鳥辨認小學課程! [打印本頁]

作者: Sze    時間: 2007-12-10 00:53     標題: 雀鳥辨認小學課程!

某些原因,整了一些常見雀鳥的辨認材料!
所以諗住順便post係度,可能對某些初學者有用!
話明係小學課程,所以內容都幾General,只供一般情況使用!

各位高手,如果內容有錯的,請多多指教!

==================================================================

第一章:

如果在香港的冬季天空,看見有猛禽(泛指有鈎咀,利爪的肉食性雀鳥)飛過,最大可能機會便是麻鷹,其次便是普通鵟(音:狂)。

麻鷹,又名黑鳶(音:淵),是香港的留鳥及冬候鳥(冬季時數量會增加很多!),經常在高空盤旋(尤其是維港上空!),是香港最常見的猛禽。辨認特徵是腳部灰鉛色,尾部末端開叉或平,有點像魚尾,香港可見的猛禽只有牠是這樣的!

普通鵟的外型與麻鷹相似,但體型較小,在香港是過境遷徙及常見的冬候鳥。牠的羽色多變,但翼底淺色,翼尖黑色,翼角有黑斑,而且尾短而圓,常扇開呈扇形,腳呈黃色,這些均與麻鷹有別!

麻鷹因為飛行速度不高,所以通常主要是拾食垃圾及腐肉(例如:海上或河上的死魚),在大自然中是重要的「清道夫」。而普通鵟則兇猛得多,經常撲殺其他小型動物,包括雀鳥及哺乳類動物!

香港的玻璃幕牆大廈是這些經常在市區上空出現的猛禽的死亡陷阱!當大廈內的辦公室將窗簾放下時,玻璃窗便變成一面鏡子,因而令到這些猛禽以為面前是一片天空,其實這只是猛禽背後的天空的鏡內影像!可憐的猛禽猛力撞上玻璃幕牆後會受到不同程度的損傷,包括骨折,盲眼,腦震盪,甚至死亡!在冬季的高峰期,嘉道理農場的動物醫院平均一星期便會收到一隻受傷的猛禽!幸運的話,經過治理後牠們可以重返大自然,但若不幸的話,牠們便要一世也留在農場的鳥籠內生活了!甚至當場死亡!

大家試試分辨牠們吧!留意牠們的尾部形狀及翼的差異!
也可以在論壇內找尋其他的相片看看!


麻鷹






普通鵟





[ 本帖最後由 Sze 於 2007-12-12 11:38 編輯 ]
作者: Sze    時間: 2007-12-10 01:30

第二章:

雀鳥的咀型與牠的食性有很大關係的!
例如:上一章介紹的麻鷹及普通鵟,因為牠們均是肉食性.
需要將肉從屍體上撕下來進食,所以都有一個鈎型的咀!
如果是食蟲的雀鳥,咀型便會比較尖,這有利牠們捉蟲仔吃!
至於食植物種子的雀鳥,其咀型便會比較短厚及呈錐型
這樣的咀就像一個鉗子,可以用來壓爛種子的外皮!

在香港最常見到有這樣的咀的雀鳥便是最為人熟悉的麻雀,
其次便是白腰文鳥及斑文鳥!

麻雀屬雀科,體型矮胖,具備用來吃植物(例如:路邊的草)種子的厚咀,性好合群!
牠們喜於建築物牆上的洞或罅隙內,以草胡亂堆成一團成球狀作巢,
所以如大家平時細心留意四周,則不難發現總有一巢係你左近!
麻雀喜與人一起生活,所以在人少的郊區,麻雀便會變得「罕有」!
麻雀成鳥,兩邊面頰各有一個黑斑;而咀厚並全黑!



麻雀幼鳥,兩邊面頰的黑斑可能會缺乏或色淡,
咀厚,咀基帶黃色,背上的棕色可能會較淡!



麻雀幼鳥,在離巢後會跟在父母身邊一段時間,
向父母索食及學習各種需要的生存技巧!




斑文鳥屬梅花雀科,也是體胖,咀厚,喜食種子及性好合群的雀鳥!

斑文鳥成鳥的特徵是胸部和下體有鱗片紋
而幼鳥則為均勻褐色,胸部和下體沒有鱗片紋!





斑文鳥見於開闊草地及濕地,尤其是稻米結果時,更是文鳥家庭開大食會的好時候!


白腰文鳥也是屬梅花雀科,也是體胖,咀厚,喜食種子及性好合群的雀鳥!
牠和斑文鳥的分別在於成鳥的胸部及下體沒有鱗片紋,
而且尾尖,黑色(斑文鳥是褐色),有白腰(腰是指背部及尾之間的部份)!

成鳥尾尖,黑色,有白腰!
幼鳥與斑文鳥幼鳥相似,但跟其成鳥一樣尾尖,黑色,有白腰







白腰文鳥可見於幾乎任何生境,但相對於斑文鳥,
白腰較多見於較乾的地方(例如:樹林及市區花園)!

大家可在論壇內找到更多牠們的精彩圖片!
作者: d_jacky    時間: 2007-12-10 01:59

你好有心機呀
作者: Sze    時間: 2007-12-10 20:07



QUOTE:
原帖由 d_jacky 於 2007-12-10 01:59 發表
你好有心機呀

多謝大家既支持!

中學同大學課程我就無能為力!

如果有高手出手教下我地就好啦!
作者: chuiying    時間: 2007-12-10 20:24

最滿足係可以全部用自己的相做教材

支持!
作者: Sze    時間: 2007-12-10 23:12

第三章:

上一章介紹的是擁有短厚咀,食種子的雀仔,
本章就介紹一群咀較尖,會食蟲仔,細細隻但比麻雀大隻d,而且多數會係地面出現,
成日係個地行黎行去,尾巴長,體型比較纖瘦,肚腩唔太大,又會「un」pat(擺尾),
飛行時,路線呈上下波浪形,仲會邊飛邊叫
既雀仔!
佢地就係鶺鴒科既雀仔啦!香港有紀錄既主要有4大鶺鴒,佢地係:林,灰,黃,白!

林鶺鴒主要係林底出現,過境及冬候鳥,比較少見,所以這次不作討論,
不過如果將來你係林底見到一隻左右「fing」pat既鶺鴒時,佢就好有可能係林鶺鴒啦!

餘下是灰,黃同白!呢3隻都係上下「un」pat既,比較常見!
牠們均可見於於任何乾及濕地!

灰鶺鴒為春秋過境及冬候鳥,偏好林區淡水濕地(例如:溪流),較少見於泥灘。
黃鶺鴒為春秋過境及冬候鳥,偏好泥灘,魚塘及農耕地,較少出現於溪流。
白鶺鴒為春秋過境、冬候及少數留鳥,可出現於任何生境(包括:任何乾及濕地)。

以下有d佢地既相,大家可以試下估下邊張係邊隻啦!




















答案係:灰灰灰黃黃黃黃白白!


其實以上呢個練習想讓大家知道,有時當環境條件不佳,令你不能把該雀鳥仔細看情楚時,又或者牠的毛色令你不能好肯定牠是什麼品種時,生境會是另一個幫助到你的要點!

上文我說過黃鶺鴒偏好泥灘,魚塘及農耕地,但較少出現於溪流;而灰鶺鴒則偏好林區淡水濕地。所以若你有留意我的相片(五)至(七)均是於米埔或南生圍拍攝時,你其實可以估到這些是黃鶺鴒的機會會比較高!


另外,在外型及毛色上三種鶺鴒有以下的分別,大家也可以多加留意:

白鶺鴒
黃鶺鴒
灰鶺鴒
上背毛色
黑、灰
橄欖綠、褐灰




粉紅色
白鶺鴒和黃鶺鴒有很多不同的亞種(即同品種的雀鳥,在不同地理區域內,有輕微的分別!)。不同亞種的毛色有很多的變化。有興趣的朋友可以參考「香港及華南鳥類」一書及在論壇內搜尋一下各大師的精彩照片。

[ 本帖最後由 Sze 於 2007-12-12 01:21 編輯 ]
作者: Sze    時間: 2007-12-10 23:14



QUOTE:
原帖由 chuiying 於 2007-12-10 20:24 發表
最滿足係可以全部用自己的相做教材

支持!

係呀!係呀!

多謝支持!
作者: Sze    時間: 2007-12-10 23:42

第四章:

今次介紹的是同鶺鴒同科,有d似樣,都係細細隻,成日係個地行黎行去,
但身型肥d,顏色偏綠或者褐色既雀 --- 鷚!(音:漏)
香港有紀錄既鷚大約有7種,較常見的有3種,分別是樹鷚,田鷚及紅喉鷚!
牠們3種均是過境遷徙及冬候鳥!而田鷚則有少部份是留鳥!
分辨牠們的方法最簡單是從毛色及花紋去分辨!


田鷚
樹鷚
紅喉鷚
背部顏色
偏褐色
橄欖綠色
偏褐色
胸部黑色縱紋
/


背部黑色縱紋



其他特徵
站姿筆直;後爪很長
上下擺尾;眼後近耳的位置有一白色斑點
羽毛新長時頭部偏紅色
生境
偏好開闊原野,尤其是草地
見於耕地及林區
偏好開闊潮濕地方,包括耕地

現在試一試分辨以下幾隻鷚,邊隻係邊隻啦!



樹鷚



樹鷚



樹鷚


田鷚



田鷚



紅喉鷚



紅喉鷚



紅喉鷚

[ 本帖最後由 Sze 於 2007-12-12 01:19 編輯 ]
作者: 亞豬    時間: 2007-12-11 12:38

多謝阿思一番心血
鶺鴒同鷚原來都只係小學程度,嗚...我仲係觀鳥的幼稚園程度
作者: Sze    時間: 2007-12-11 23:48



QUOTE:
原帖由 亞豬 於 2007-12-11 12:38 發表
多謝阿思一番心血
鶺鴒同鷚原來都只係小學程度,嗚...我仲係觀鳥的幼稚園程度

唔緊要啦!我都只係中學畢業!
你係植物方面有大學程度嘛!
作者: Sze    時間: 2007-12-12 00:56

第五章:

上次介紹左d尖咀食蟲既雀,今次介紹d,
大隻好多,個咀再長d,粗d,而且腳都長埋既(因為要落水行!),食魚既雀仔!
佢地就係香港既渠邊同岸邊好常見,成日俾人叫錯做「鶴」,但佢其實叫阿「鷺」既白鷺!

唔計個咀似湯匙(或者琵琶)既黑臉琵鷺同白琵鷺,
香港有記錄既白鷺有5種,其中黃咀白鷺好少見,所以不在此討論!

淨返既就係香港4大白鷺啦!佢地分別係小,中,大同牛
要記住佢地係同一科既親戚,但絕對唔係小白鷺大個仔會變中白鷺,
再大d就變大白鷺,企上牛背就變牛背鷺!
好爛的笑話,但有些沒有觀鳥經驗既市民真係會咁樣諗!我見過!

4種白鷺最大分別在於體型大小,但當牠們不是排排企,
不能作直接比較時,牠們各自有些特徵是可以幫助我們辨識的!
雀鳥
體長

腳趾
居留情況
生境
婚羽(繁殖期間出現的額外羽毛)
其他辨別特徵
大白鷺
Great Egret
90cm
36
黃色
(繁殖羽時會變黑色)
黑色
留鳥
所有濕地
白色只在背上及胸前
咀角黑線過眼後。
頸長,屈曲幅度大成「S」型
中白鷺
Intermediate Egret
70cm
28
黃色,咀尖常沾黑色
黑色
主要是春,秋
過境,但亦有小量留鳥
所有濕地
白色只在背上及胸前
咀較短,頸較短粗而屈曲幅度較小
小白鷺
Little Egret
61cm
24
黑色黃色留鳥所有濕地白色在背上,胸前及頭上2條)

牛背鷺
Cattle Egret
51cm
20
黃色
黑色
留鳥
在較乾的地方出現,會與牛為伍。不會在泥灘出現
橙色在頭,頸,胸及背上
咀及頸較短粗,頭較渾圓
當大家經常記住大白鷺黃咀黑腳小白鷺黑咀黃腳趾時,
請記得先睇清楚隻白鷺對腳乾唔乾淨,因為成腳泥的小白鷺是看不到黃腳趾的!
另外,亦要睇清楚該白鷺是否處於繁殖羽的期間,
如果係的話,則大白鷺的咀也有可能是黑色的!
又另外,如果有一日你見到一隻白鷺頭上有多過2條婚羽的話,
恭喜你!因為你碰到很少見的黃咀白鷺了!

大家可以在forum內找找各大師的精彩照片參考看看!



大白鷺



大白鷺



中白鷺



中白鷺



小白鷺



小白鷺



牛背鷺

[ 本帖最後由 Sze 於 2007-12-12 01:35 編輯 ]
作者: cmkpl    時間: 2007-12-12 01:06

好精彩~


BTW: 出晒的話, 我真想夾佢成一份 PDF, 成為教科書, 可以方便閱讀

[ 本帖最後由 cmkpl 於 2007-12-12 01:09 編輯 ]
作者: Sze    時間: 2007-12-12 01:25



QUOTE:
原帖由 cmkpl 於 2007-12-12 01:06 發表
好精彩~


BTW: 出晒的話, 我真想夾佢成一份 PDF, 成為教科書, 可以方便閱讀

哈哈!可能你有排等啦!因為有好多common雀我都仲未影到張岩用既相!唔知幾時先出得晒我想出既野!
作者: cmkpl    時間: 2007-12-12 12:37



QUOTE:
原帖由 Sze 於 2007-12-12 01:25 發表


哈哈!可能你有排等啦!因為有好多common雀我都仲未影到張岩用既相!唔知幾時先出得晒我想出既野!

冇問題啦, 呢個 post 真係幫左我地好多~
作者: Sze    時間: 2007-12-14 01:25


第六章:

上一章介紹了食魚,有長咀及長腳的白鷺;
本章介紹的都是食魚,所以都有一個長而大的咀,
而對腳就短到唔合比例,所以只會企同飛但就唔會行,
顏色就超靚的翠鳥科雀仔!

白鷺有一對長腿,所以很多時都係企係水中或水邊靜候獵物游過;
但翠鳥對腳比白鷺短咁多就當然唔可以企係水裡面,
企水邊又因為太矮望唔到水裡面既情況,
所以翠鳥科既雀仔都係企係水邊高位(包括:木棍或樹上)俯瞰水裡面的情況,
一旦發現獵物蹤跡便會插水式衝入水裡面捕捉獵物,
而某些品種更有多一項殺手鐧,就係高空定點飛
睇清楚情況後,先再衝入水!

翠鳥科雀仔,英文名全部都係叫乜乜Kingfisher,以前中文通常叫做釣魚郎,
現在各自有其中文名稱,小型品種既叫「翠鳥」,中型既叫「翡翠」,大型既叫「魚狗」,
但全部都係屬於翠鳥科的。

香港有記錄既翠鳥科雀仔大約6-7種,較常見的有4種,牠們包括:
普通翠鳥,白胸翡翠,藍翡翠及斑魚狗。
牠們4個除了都係有一個大咀及一對短腳外,其他方面(包括:體型大小及顏色)都無樣相似,
所以在野外要分辨牠們可以講係「無難度」!




普通翠鳥
白胸翡翠
藍翡翠
斑魚狗
體長
16cm / 6
27cm / 11
28cm / 11
25cm / 10
頭頂顏色
翠綠色
褐色
黑色
黑白色
咀顏色
雄性:全黑
雌性:上黑,下紅
紅色
紅色
黑色
其他特徵
會在空中定點飛
胸部白色

會在空中定點飛。
雄性胸前有2條黑色橫帶,雌性只有1



如果有一日,你有機會參觀翠鳥開餐的話,你可以留意下佢地吞魚前,
會先撻暈左條魚,然後一定要魚頭入口先,成條魚吞入肚內!
如果有隻傻雀係魚尾入口先,除非條魚好細,如果唔係,咁你就幫佢叫定救護車都得啦!
因為條魚既背鰭好大機會「kick」住條魚係隻雀既喉嚨度唔上唔落!
所以唔止人食飯有manner,雀食魚都有manner架!

d翠鳥相好醜樣,大家都係forum內搵下各大師既精彩作品睇下啦!



普通翠鳥(雄性)



普通翠鳥(雌性)



白胸翡翠



藍翡翠



斑魚狗(雌)
作者: ada    時間: 2007-12-18 22:56

好好既上堂用既書啦...
作者: Sze    時間: 2008-1-16 01:23

第七章:

上兩章都係講d,個咀又長,又直,又大,食魚既雀仔,
今次就講d 個咀又長,又比較幼,仲要向下彎

主要食泥裡面蟲仔及其他無脊椎小動物既雀仔,佢地就係杓鷸啦!

杓鷸個又長又向下彎既咀可以講係佢地獨特標記,係其他雀少見的!
所以如果有日你見到一隻個咀又長又向下彎既雀仔的話,
就算唔係好識分辨,都會知九成九就係杓鷸啦!

香港有記錄既杓鷸有4種,而分辨特徵主要係睇體型大小,咀既長度及

頭頂有沒有啡色的冠紋!




體長
常見月份
居留
狀況
生境
咀:頭
長度比
其他特徵
白腰杓鷸
Eurasian Curlew
50-60cm
22

9-3常見
4-58(稀少)
冬候
春,秋過境
泥灘
濕地

2
白腰
無冠紋
大杓鷸/紅腰杓鷸
Far Eastern Curlew
53-66cm
24

3-5(稀少)
8-11(罕見)
春,秋過境
泥灘
濕地
2
褐色腰部
無冠紋
中杓鷸
Whimbrel
40-46cm
17

4-58-10
常見
春,秋過境
泥灘
濕地


~2
頭頂有深褐色粗冠紋
小杓鷸
Little Curlew
28-32cm
12

4-5(稀少),
10(罕有)
春,秋過境
主要見於草地
2
頭頂有淡褐色幼冠紋


要留意一點!「」是指雀鳥既背部與尾部之間的部份,唔好攪錯!唔係肚腩!亦都唔係翼下!

抱歉!我只係得白腰杓鷸同中杓鷸既相,
其他杓鷸既相大家可以瀏覽論壇內其他大師既靚相!


白腰杓鷸:



中杓鷸:





[ 本帖最後由 Sze 於 2008-1-16 01:52 編輯 ]
作者: dick    時間: 2008-1-16 11:59

杓鷸 同 Wagtail are very good
Please carry on, Sze.
作者: YSC    時間: 2009-1-20 17:40

精彩,期待第八章!
作者: Sze    時間: 2009-1-20 21:11

多謝樓上兩位!

哈哈!俾大家發現我偷左懶成年添!
死啦!要快d做返d功課先!

不過植物功課好耐未做,雀仔功課又好耐未做!點算好呢?

[ 本帖最後由 Sze 於 2009-1-20 21:14 編輯 ]
作者: dolphin-lover    時間: 2009-1-20 21:19

嘩,原來有d咁好既資料!
唔好急,最緊要快靚正,大家等住你!
作者: Sze    時間: 2009-2-4 21:42     標題: 第八章─鶯

俾人發現偷懶左一年,唯有掟起心肝做功課!

第八章─鶯

「鶯」,在觀鳥時大家可能會經常聽到前輩們常常說起一大堆名字不同但又很相似,而且初學者總是聽得一頭霧水的「鶯」,例如:乜乜鷦鶯,縫葉鶯,柳鶯,扇尾鶯,草鶯,蝗鶯,葦鶯,樹鶯等等。其實不同的鶯都有一些相同之處,就是牠們大都是褐色或綠色,咀較小,吃昆蟲的活躍小型鳥類,牠們一般體長都不超過8吋,而且由於生性活躍,所以要觀察牠們一般都較困難。
不同的分類學派會將鶯分類為鶯科,或者再多分一個扇尾鶯科。香港觀鳥會出版的《香港鳥類攝影圖鑑》將所有鶯都歸屬為鶯科;但《香港及華南鳥類》則將這些鶯分為鶯科及扇尾鶯科。以下我嘗試概括介紹一下幾種在香港有記錄,又較常見的鶯的分別,不過由於是簡單及概括的分辨介紹,所以當中的內容及分辨方法可能不太正規及不太嚴格正確,故建議有心認真學習如何分辨鶯的朋友,請多參考各工具書!而以下內容我主要是參考《香港鳥類攝影圖鑑》及《香港及華南鳥類》。


扇尾鶯科(Cisticolidae):
跟鶯科非常接近的草地鳥類。當中包括各扇尾鶯(Cisticolas)及鷦鶯(Prinias

體長
特徵
生境
常見例子
扇尾鶯(Cisticolas
4~5
1.       尾短呈扇狀
2.       體型小
3.       站姿較直
4.       上背有明顯條紋
草地
棕扇尾鶯
鷦鶯(Prinias
5~7
1.       身短尾長
2.       飛行乏力,unun下,哈哈!有d墜機既感覺。
草地
黃腹山鷦鶯(灰頭鷦鶯)
純色山鷦鶯(褐頭鷦鶯)





鶯科(Old World WarblersSylviidae):
吃昆蟲的活躍小型鳥類。

體長
特徵
生境
常見例子
葦鶯
Reed Warbler
5~8
1.       通常是淡褐色
2.       多生活於蘆葦中
3.       有淡色眉紋
4.       方形尾,
5.       無翼斑
6.       身型較長,較大
蘆葦叢,長草地,沼澤
東方大葦鶯
黑眉葦鶯
樹鶯
Bush Warbler
4~7
1.       通常是褐色
2.       多生活在灌木叢內,甚至近地面活動
3.       有淡色眉紋
4.       無翼斑
5.       身及尾通常也較短
下層林叢,灌木叢
日本樹鶯
柳鶯
Warbler
4~5
1.       體型較小
2.       尾短
3.       褐色或綠色
4.       有些品種有翼斑
5.       有淡色眉紋
不同品種會偏好不同生境。但大部份也偏好林區,可留意不同品種會在林區的不同高度活動,而且不同品種會在不同月份在香港出現,以上兩點可幫助辨識。
褐柳鶯
黃眉柳鶯
黃腰柳鶯
極北柳鶯
縫葉鶯
Tailorbird
4~5
1.       有獨特顏色的前額
2.       身短尾長
3.       巢的結構獨特,一或兩塊樹葉縫在一起形成杯狀,承托細小的圓形巢
下層林叢
長尾縫葉鶯


睇完以上一大個表格,初學者可能已經睇得有點頭昏腦脹,如果不太明白以上的也不重要,就讓我在以下介紹3種非常常見又易認的鶯,牠們有些共同特徵便是留鳥,身短尾長,而且尾部經常豎起,常在低層的植物間活動,經常在我們的水平視線出現!



體長
特徵
生境
相似的常見品種
黃腹山鷦鶯
(灰頭鷦鶯)

5~6
1.       身短尾長
2.       飛行乏力,頭重尾輕
3.       繁殖期頭部石板灰色
4.       腹部黃色
5.       尾部經常豎起
6.       飛行時發出奇異的卡塔聲
7.       如貓叫的喵聲
下層林叢,蘆葦和有長草的地方活動。
純色山鷦鶯
(褐頭鷦鶯)。
繁殖期時可以頭部的石板灰色分辨
純色山鷦鶯
(褐頭鷦鶯)
5~6
1.       身短尾長
2.       飛行乏力,頭重尾輕
3.       眉紋伸到眼後
4.       尾部經常豎起
濕地和長滿草的山邊
黃腹山鷦鶯
(灰頭鷦鶯)。可以頭部褐色,全身為更濃的褐色,咀亦較粗來分辨。
長尾縫葉鶯
4~5
1.       尾長咀長
2.       頭頂紅褐色
3.       背部至尾部橄欖綠色
林中下層植被間活動
紅頭穗鶥。但紅頭穗鶥的面及喉淡黃色可與之分辨。


黃腹山鷦鶯(灰頭鷦鶯)






純色山鷦鶯(褐頭鷦鶯)






長尾縫葉鶯






紅頭穗鶥,牠不是鶯,不過與長尾縫葉鶯很相似!





[ 本帖最後由 Sze 於 2009-2-4 23:27 編輯 ]
作者: Sze    時間: 2009-2-4 23:33

其他一些也常見,但較難辨認的鶯!

黃眉柳鶯



極北柳鶯



比較易認的棕扇尾鶯





作者: Stephen    時間: 2009-2-18 14:27



QUOTE:
原帖由 Sze 於 2007-12-10 23:42 發表
第四章:

今次介紹的是同鶺鴒同科,有d似樣,都係細細隻,成日係個地行黎行去,
但身型肥d,顏色偏綠或者褐色既雀 --- 鷚!(音:漏)
香港有紀錄既鷚大約有7種,較常見的有3種,分別是樹鷚,田鷚及紅喉鷚!
牠們3種均是過境遷徙及冬候鳥!而田鷚 ...

初黎埗到,好正呀!之前我成日都分吾到三種鷚
作者: dolphin-lover    時間: 2009-2-18 23:13

真係好勤力喎
長尾縫葉鶯同紅頭穗眉真係好似呀! 我上次就認錯左, 下次一定參考這個小學課程!
作者: MEMEME    時間: 2009-2-20 19:43

日日朝早返學,行過沙田城門河都見到一大批白鷺
現在終於知道是小白鷺了,謝謝
作者: 甲蟲    時間: 2009-2-20 20:31



QUOTE:
原帖由 MEMEME 於 2009-2-20 19:43 發表
日日朝早返學,行過沙田城門河都見到一大批白鷺
現在終於知道是小白鷺了,謝謝

城門河都有唔少大白鷺架喎
作者: Carmen    時間: 2009-2-20 22:00



QUOTE:
原帖由 甲蟲 於 2009-2-20 20:31 發表

城門河都有唔少大白鷺架喎

遷徙季節會有大群大群白鷺飛添, 見過過100隻飛, 很壯觀.
有時更有中白鷺和牛背鷺.

[ 本帖最後由 Carmen 於 2009-2-20 22:02 編輯 ]
作者: MEMEME    時間: 2009-2-20 23:08

邊段位置先...
平時都係經過文化博物館附近
作者: pitarhk    時間: 2009-2-21 00:13



QUOTE:
原帖由 MEMEME 於 2009-2-20 23:08 發表
邊段位置先...
平時都係經過文化博物館附近

其實無分邊段位,鷺科只要有水地方就有~
不過近大圍火車站個面多D
作者: bo_ccyad    時間: 2009-10-23 17:31

learn much, thx a lot
作者: SunnyTam    時間: 2010-2-17 23:43

Thanks !
作者: kambio    時間: 2010-10-12 01:24

learnt a lot, thanks so much!
作者: philipl    時間: 2010-12-1 11:28

Thank you very much! Learn a lot! Please keep on the great job!
作者: philipl    時間: 2011-4-7 15:04

Please keep on the great job! We learn a lot!
作者: Ivan    時間: 2012-1-4 15:40

wahh... 呢d先係小學課程...我真係大開眼界!
好有心機, 感謝!
作者: paulanka    時間: 2012-1-5 21:06

阿思又偷懒2年了。
作者: Ivan    時間: 2012-1-10 15:05

This is my first step for bird watching~~ whaaaa
作者: KerrPan    時間: 2014-3-31 16:45     標題: 回覆 #11 Sze 的帖子

請問樓主大白鷺和小白鷺之間還有甚區別?如果不是一起出現的常常會弄混
作者: lee_yat_ming    時間: 2014-3-31 20:15



QUOTE:
原帖由 KerrPan 於 2014-3-31 16:45 發表
請問樓主大白鷺和小白鷺之間還有甚區別?如果不是一起出現的常常會弄混

第一,在體型上,兩者有明顯的差別。
http://www.hkwildlife.net/viewth ... 7%E7%99%BD%E9%B7%BA

第二,可參考頸長同身體的比例,大白的頸也較粗壯。
http://www.hkwildlife.net/viewth ... 7%E7%99%BD%E9%B7%BA
http://www.hkwildlife.net/viewth ... F%E7%99%BD%E9%B7%BA


第三,小白鷺繁殖羽時有條辮仔...
http://www.hkwildlife.net/viewth ... F%E7%99%BD%E9%B7%BA




歡迎光臨 HKWildlife.Net Forum 香港自然生態論壇 (http://hkwildlife.net/Forum/) Powered by Discuz! 5.0.0