Board logo

標題: ☆ 香港自然生態雜誌出版了!! ☆ [打印本頁]

作者: 深藍-Owen    時間: 2009-8-13 00:32     標題: ☆ 香港自然生態雜誌出版了!! ☆

真係要多謝咁多位作者, 編輯勞心勞力先出到世!!
不過不厭其煩都要講多次, 最勞苦功高莫過於係呀貓. 真係要再三多謝佢!!
(比分唔好比我, 要比就比咁多位作者, 編輯同呀貓)

希望大家下載之餘. 一定要留個言比 d 意見. 第二期已經開始籌備緊. 亦已有部份稿件已經攪掂, 希望大家睇完可以話我地知. 爭 d 咩. 又或者你想要 d 咩.

仲有. 希望你地幫手, 投稿. 真係好希望你地會投稿. 唔該晒!! 呢本 E-Mag 會唔會繼續落去. 好睇你地會唔會幫手. 投稿. Thanks.




另外我地會聯絡一 d 教育團體睇下佢地有無興趣.

在線觀看 online version :


http://issuu.com/hkwildlife/docs/e_m_vol01?viewMode=magazine

下載網址 : http://www.hkwildlife.net/Blog


作者: BWA    時間: 2009-8-13 00:41

要燒炮仗喇!
作者: 雀仔To    時間: 2009-8-13 00:48

恭喜恭喜! 雖然未詳細睇唒禁多頁,但可見內容非常充實! 呢本雜誌唔錯!一定可以學到新野! 辛苦唒禁多位~!
作者: 貓魔鈴    時間: 2009-8-13 00:59

終於面世啦~~~~ 真係多謝咁多位作者的貢獻 而貓係排版過程中不斷嚐試,亦學多左新技巧,絕對有得著~~~ [ 本帖最後由 貓魔鈴 於 2009-8-13 15:12 編輯 ]
作者: Elm    時間: 2009-8-13 01:03

恭喜創刊號出版!
作者: abnormal    時間: 2009-8-13 01:04

即睇蛇嗰版 不過突然諗到蛇嗰版有三種蛇,眼鏡,小頭同紅脖 其實係可以講埋香港只有眼鏡蛇同紅脖游蛇會食黑眶而唔怕毒
作者: kingarthur    時間: 2009-8-13 04:16

What a tasteful feast for all nature lovers! And will be a wonderful free gift for those who had never learn from the wonderful nature world, especially the younger generations.
作者: seibuhk    時間: 2009-8-13 07:03

好感動, 真係辛苦晒咁多位
作者: 獵隼    時間: 2009-8-13 07:18

恭喜哂............. 將消息四圍去宣傳吓先..........
作者: teddy_chua    時間: 2009-8-13 07:37

Complete download in less than 7 minutes ..... terrific content Am old fashion and like to get a paper copy on hand to read.... how to get one as it is such a great magazine. [ 本帖最後由 teddy_chua 於 2009-8-13 07:43 編輯 ]
作者: HongN    時間: 2009-8-13 08:21

恭喜恭喜 可喜可賀 今天上班有排忙 要睇document 花了5分鐘完成download 不過我的公司 block了第一個server 所以只能用第二個link來download 第二版有個食雪糕既model [ 本帖最後由 HongN 於 2009-8-13 08:35 編輯 ]
作者: 剎那    時間: 2009-8-13 09:02

返工第一時間上黎download 得閒可以偷睇
作者: 深藍-Owen    時間: 2009-8-13 09:40

呀貓, 下期唔該要加埋呢句:如因上班偷睇導致任何工傷損失或丟失職位事宜, 本論壇蓋不負責!!
作者: 特別懶散    時間: 2009-8-13 10:14

排版值得一讚, 利用左好多生動跳脫o既字體, 亦有好多具有特色, 切合主題o既背景底圖 ((在水中央果個好正!!!)), 令整體內容非常豐富, 各位o既靚相o係貓貓有心思o既後期加工下更為出色, 不得不題雀仔To 版友細膩o既畫工, 希望下期可以繼續欣賞到雀仔 To 版友o既作品啦~ 呢排屋企裝修, 暫租出o黎住果度又上唔到網, 所以未能於尋晚先睹為快, 不過返到o黎公司就文明返 (上到網 XD), 即時 d/n 左落隻手指度, 頭先偷偷望過下, 內容我就未詳細睇, 因為始終返緊工, 不宜太張掦~ 都係一陣 lunch free d 先用o黎送飯~~ 之但係睇怕一個鐘頭都未必煲得晒本e-magazine, 今晚返到去借屋企人部 notebook 睇埋下半 part~ 依家暫租呢個地方冇位起返我部 desktop >.<" 初步諗到遲下或者可以考慮有個環節或專題之類講講野攝o既操守 ((未經許可, 眼看手勿動)), 同埋o係郊外地方應該遵守o既基本規則 ((未經許可, 唔好亂摘植物)) 等.... [ 本帖最後由 特別懶散 於 2009-8-13 11:17 編輯 ]
作者: Drillerbryan    時間: 2009-8-13 10:42

好野!!!估不到原來你地搞左本好野出來!!!(只怪我近排少上來...) 支持支持!!! 多謝大家既努力!
作者: 深藍-Owen    時間: 2009-8-13 10:48

http://www.hkwildlife.net/doc/E_M_NO01.zip 賣大包. 出 local link 比大家快快 download. 因應 server performance 除時可能刪除!! 見諒!!
作者: haowen    時間: 2009-8-13 11:42

thank you all
作者: catfish    時間: 2009-8-13 13:03

恭喜!
作者: alanzaku    時間: 2009-8-13 13:41

最鐘意d檢索表 同無廣告!
作者: kingarthur    時間: 2009-8-13 13:55

Hope more people can tell their ideas about Lung Mei's situation in coming isuues and make the noise be heard to many many others which might help, least in educational prospect. Thanks again to all editorial staff for the great works.
作者: KerryW    時間: 2009-8-13 14:03

實在太靚啦...急不及待send 俾朋友睇 多谢晒呀...
作者: SimFish    時間: 2009-8-13 15:02

嘩! 即刻有老翻!
作者: KerryW    時間: 2009-8-13 15:31     標題: 回覆 #22 SimFish 的帖子

又會咁既...真係咩人都有...
作者: kingarthur    時間: 2009-8-13 16:01



QUOTE:
原帖由 KerryW 於 2009-8-13 15:31 發表 又會咁既...真係咩人都有...

Hmm... looks like someone we know...
作者: skyblue    時間: 2009-8-13 23:03

恭喜恭喜 即刻download 睇下先.
作者: Will    時間: 2009-8-13 23:32

真係好靚, 本雜誌就咁略看都覺得好吸引 你們造得好有心機呢
作者: BenW    時間: 2009-8-14 01:09

又食又攊, 真係唔好意思.
作者: kammyL    時間: 2009-8-14 01:19

好掂, 等住睇下期, 謝謝 !
作者: kingarthur    時間: 2009-8-14 03:03

Only bad thing about it is: It turned on my desire to shoot more of other wild creatures!
作者: abnormal    時間: 2009-8-14 03:38



QUOTE:
原帖由 深藍-Owen 於 2009-8-13 09:40 發表 呀貓, 下期唔該要加埋呢句:如因上班偷睇導致任何工傷損失或丟失職位事宜, 本論壇蓋不負責!!

有錯字 概不負責
作者: treelearner    時間: 2009-8-14 09:22

無言感激
作者: even928    時間: 2009-8-14 09:38

thanks for everyone's effort
作者: 扒飯撈麵    時間: 2009-8-14 10:17

感謝/欣賞各位的辛勞和心意 唔知有無用的臨時分流 有效期至20/8 5pm ps. 由於借用公司源煩請不要公開直接位置 [ 本帖最後由 扒飯撈麵 於 2009-8-14 11:33 編輯 ]
作者: tigger_erica    時間: 2009-8-14 11:45

恭喜! 內容豐富,好吸引,用心之作!
作者: 深藍-Owen    時間: 2009-8-14 11:47

大家幫手盡量宣傳開去. 例如 facebook, 或其他網頁!! Thanks!
作者: JanC    時間: 2009-8-14 14:26

要點樣宣傳?? 係咪叫人d/l 泥睇? 同埋比邊條link比人d/l ?
作者: 深藍-Owen    時間: 2009-8-14 15:10



QUOTE:
原帖由 JanC 於 2009-8-14 14:26 發表 要點樣宣傳?? 係咪叫人d/l 泥睇? 同埋比邊條link比人d/l ?

yes thanks. anything u may think of~!
作者: kingarthur    時間: 2009-8-14 15:43

I think just post the first page will do and that's what I did.
作者: isaac_chan    時間: 2009-8-14 16:23

係 blog 度宣傳, 用 cover 嘅縮圖, 無問題嘛?
作者: Ice    時間: 2009-8-14 16:32

恭喜晒! 看完後我都想試吓投稿tim
作者: 深藍-Owen    時間: 2009-8-14 16:56



QUOTE:
原帖由 Ice 於 2009-8-14 16:32 發表 恭喜晒! 看完後我都想試吓投稿tim

講左我當真架喇. 等你~!
作者: 深藍-Owen    時間: 2009-8-14 16:56



QUOTE:
原帖由 isaac_chan 於 2009-8-14 16:23 發表 係 blog 度宣傳, 用 cover 嘅縮圖, 無問題嘛?

隨便喇~!
作者: SamChan_168    時間: 2009-8-14 23:29

恭喜! 恭喜!

QUOTE:
原帖由 深藍-Owen 於 2009-8-14 11:47 AM 發表 大家幫手盡量宣傳開去. 例如 facebook, 或其他網頁!! Thanks!

一 定會宣傳開去 俾朋友 睇。
作者: cyHo    時間: 2009-8-15 10:58

多謝! 一班有心人, 希望熱誠繼續.
作者: Dan仔    時間: 2009-8-15 11:14

好多謝各位的努力.. DOWNLOAD都好快, 1分35秒左右.
作者: AlexY    時間: 2009-8-15 11:22     標題: 小的Typo~~~

首先多謝這班有心人 第九頁赤胸擬鴷之英譯應為Coppersmith Barbet,打少了一個h和t~~~ [ 本帖最後由 AlexY 於 2009-8-15 11:26 編輯 ]
作者: carolkwok    時間: 2009-8-15 15:34

非常專業, 內容非常豐富. 十分感謝各位的努力! 相信日後可搞 Print on demand, 讓支持者珍藏, 尤其是學校圖書館. 一點意見, 蜘蛛非昆蟲, 蟲蟲覓覓用第二種昆蟲做LOGO好似好0的. Thanks again!
作者: Patrick8097    時間: 2009-8-15 16:30

Very amazing E magazine!! Thanks for all spiderman. I am very missing the time I play the spider when I was boy
作者: anguslok    時間: 2009-8-16 00:31

恭喜!
作者: kfluen    時間: 2009-8-16 01:21

辛苦了!
作者: ericleung    時間: 2009-8-18 23:22

絕對支持…!
作者: cherubfish    時間: 2009-8-19 19:27

係咪每個月都有架? 我地可唔可以參與架?
作者: 深藍-Owen    時間: 2009-8-19 21:29



QUOTE:
原帖由 cherubfish 於 2009-8-19 19:27 發表 係咪每個月都有架? 我地可唔可以參與架?

歡迎投稿. 你地唔投稿. 可能冇得出. 投稿字數不限. 就算只係數字感想. 也無任歡迎!!
作者: SimFish    時間: 2009-8-20 15:39

壇主剛整了個雜誌download page http://www.hkwildlife.net/Blog/ 請大家幫手在其他網宣傳一下, 介紹方式當然亦可以自由發揮, 如果唔想自己打咁多字去介紹, 可以copy & paste下面的圖文: =========================================== 介紹一本剛誕生的電子雜誌給大家: 《香港自然生態雜誌》簡介: 《香港自然生態雜誌》網上版,完全免費下載! 一般人眼中的香港,都是一片繁華喧鬧的大都市景象,滿目高樓大廈,連新界、離島也已經變得市鎮林立,人煙稠密。很難想像,在這個全境水陸面積不到2800平方公里的高度城市化之地,依然保存及孕育著不少漸被遺忘的各種本土野生動植物,只要細心觀察,我們便可以欣賞到猶如紀錄片中的奇特而美麗生物。城市與郊野並存,實在是一個難得的景象。 香港自然生態論壇是一群愛惜香港自然生態的人組成的註冊非牟利團體,除了在網上不斷發表在香港各角落發現的野生動植物的踪影之外,2009年8月更全義務地出版了香港民間第一本全面探討香港野生世界的《香港自然生態雜誌》,於網上供人免費下載,內容包括了香港的各種野生鳥獸蟲魚植物等生物,當中一些物種,在香港不斷城市化過程中,也許很快會變得罕見甚至絕跡, 我們希望下一代的香港,是一個只有人類可忍受的石屎森林,還是依然可以看到多姿多彩的野生生物與我們為鄰的地方呢? 《香港自然生態雜誌》的誕生,便是希望讓更多人認識到香港的自然生態,從認識至愛惜,以至提高自然生態保育的意識。 如果你都想窺探一下美麗的香港自然生態,現在就下載這本免費免登記,無廣告的《香港自然生態雜誌》吧! 下載網頁: http://www.hkwildlife.net/Blog/ 香港自然生態論壇網址: http://www.hkwildlife.net
作者: 深藍-Owen    時間: 2009-8-21 23:01

過左超過一個 week. 比張成績表大家睇下先.. 請大家繼續幫手宣傳. 唔好浪費咁多位既心血.. Thanks..!!!

圖片: downlaod.gif (2009-8-21 23:05, 8.33 K) / 該附件被下載次數 48
http://hkwildlife.net/Forum/attachment.php?aid=20081


作者: SimFish    時間: 2009-8-22 00:40

9 日已經去左等於兩版暢銷書的數量! 星期六日啲去左玩,少左download。 好似只係計forum 個server, 計其他server ? 大家幫忙在其他網宣傳下, 我在其他網post, 好受歡迎, 有啲人覺得點解會有啲咁筍嘢, 喜出望外架。
作者: win2win2    時間: 2009-8-22 01:21     標題: 回覆 #12 剎那 的帖子

內容豐富,圖片精彩,值得一看的雜誌。
作者: kingarthur    時間: 2009-8-22 01:57

Now people are asking: when will be the second issue come out?
作者: cherubfish    時間: 2009-8-23 22:40



QUOTE:
原帖由 深藍-Owen 於 2009-8-19 21:29 發表 歡迎投稿. 你地唔投稿. 可能冇得出. 投稿字數不限. 就算只係數字感想. 也無任歡迎!!

我d扭蛋水母可唔可以愛來投? :p
作者: WilsonS    時間: 2009-8-29 18:43

D/L 左但unzip 唔到有Error >< 有無師兄可以幫下我唔該晒><
作者: 深藍-Owen    時間: 2009-8-29 19:56

let me try try sin..
作者: 深藍-Owen    時間: 2009-8-29 20:20

sorry, file 有問題. 已經重新 upload 中. 大概 15-20mins 攪掂. 麻煩之前曾經 download 過有問題既朋友. 過多半個鐘再試啦.. Thanks.
作者: WilsonS    時間: 2009-8-30 16:40

已經收到, 非常感激, 真係好正, 多謝多謝
作者: austinlam    時間: 2009-9-3 20:00

恭喜!恭喜!恭喜!恭喜!
作者: lionfish    時間: 2009-9-9 11:53

一個字 強!!! 多謝各位大大的努力. 多謝! 多謝! 多謝! 多謝!
作者: paul104    時間: 2009-10-14 00:15

Hi All 睇完了<香港自然生態雜誌>.好感動+開心.大家都為寶瑰的大自然出了一份心意. 多謝您地呀~! 不過,意見還是有一點的. 睇得出,編輯確實希望盡量想兼顧<生態>每一方面內容.但小弟感覺上,好似有D雜亂. 如能每期(如雙月或季刊都ok呀),只集中/主力寫其中2-3個主題.就比較易消化,及集中了. 謝謝唷.
作者: Sze    時間: 2009-10-14 02:03



QUOTE:
原帖由 paul104 於 2009-10-14 00:15 發表 Hi All 睇完了<香港自然生態雜誌>.好感動+開心.大家都為寶瑰的大自然出了一份心意. 多謝您地呀~! 不過,意見還是有一點的. 睇得出,編輯確實希望盡量想兼顧<生態>每一方面內容.但小弟感覺上,好似有D雜亂. 如能每期(如雙月或季刊都ok呀),只集中/主力寫其中2-3個主題.就比較易消化,及集中了. 謝謝唷.

首先, 多謝你的支持及寶貴的意見! 其實我們雜誌誕生的最初主要目的, 是因為論壇最日都有好多post, 一些forum內的精彩分享, 過了幾天就很容易便 "石沉大海" , 要再找出來並不容易! 所以我們想將大家一些精彩的分享, 濃縮成一本雜誌的形式, 讓大家易於收藏! 另外,亦希望可以多一個渠道令這些有意思的文章能與一些 "非版友" 分享! 所以籌備時一開始便是根據論壇的子論壇分類而分了幾個部份, 然後設立相應的編輯部(請留意!這些編輯部都是由義務性質的熱心版友擔任的!) 各自分工負責自己那部份的稿件! 由於找稿件,整理稿件及校對已經相當費時,  而且我們亦沒有時間再開會商討其他細節,  當中大部份過程亦只能靠網上討論及電郵聯絡, 所以雜誌內容難免有些雜亂! 抱歉! 另外, 我們現在運作上最大的問題是缺乏大家的投稿, 由於大家都覺得寫文章是很專業的事, 結果就沒有人敢投稿了! 於是令投稿量始終維持於不太足夠的水平! 在來源不足的情況下, 再加上我們沒有專責寫稿的版友, 所以若要以指定題目作專題報導, 暫時來說, 再抱歉的似乎是不太可能辦到! 雜誌剛剛出了第一期,下月初如無意外應該會出第二期了!  不過日後雜誌能否繼續下去,實有賴各位的支持!(投稿!) 否則,沒能力支持下去的話,那就枉談改進了!  所以,現在最希望的是收到大家的稿件!  我們的雜誌定位並不是專業級數的, 我們只是希望可以多一條較 "親民"或"平民"化的渠道, 讓大家可以分享一下,你們對生態環境的感受和知識!  不過當然如果你有專業級的稿件,我們絕對是無任歡迎的! 雜誌能否健康地成長下去, 絕對不是單靠幾個版友的努力就能成事! 所以真的希望大家能夠 "切實地" 多多支持我們! 投稿啦!謝謝!
作者: paul104    時間: 2009-10-15 00:01

妳地既誠意係大家都能感受到的~ 小小愚見,何需抱歉.Sze言重了. 小弟家住南丫島.有幸和大然自為鄰.希望日後有機會和大家分享小弟的見聞唷~
作者: blackdogto    時間: 2009-10-16 02:05



QUOTE:
原帖由 paul104 於 2009-10-14 00:15 發表 Hi All 睇完了<香港自然生態雜誌>.好感動+開心.大家都為寶瑰的大自然出了一份心意. 多謝您地呀~! 不過,意見還是有一點的. 睇得出,編輯確實希望盡量想兼顧<生態>每一方面內容.但小弟感覺上,好 ...

Thanks for your good opinion!! 呢個亦都顯出左一個問題, 就係我地差不多全部人都係業餘的"嗜好"人士, 所以根本冇能力去寫一篇比較專業的專題. 相比起一d以生態研究為職業的人士的實地研究, 文憲翻查等, 我地可以寫的資料, 可能只係from假期外遊經驗, 書本或網上搜索等, 所以絕對談不上專業。就以小弟的例子最為明顯, 文憲又唔識搵, 唔識睇, 又對生態冇研究...野外見到的物種又少, 攝影又唔得, 字唔識多隻, 作文公開考試都未合格過...如果要我自己寫篇專題, 真係嘔血... 結果都係呢度抄d, 果度抄d...寫出來d野係好冇深度, 好短篇...我好相信有專業人士(大專or正苦專家..etc) 睇過我d文章都會一笑置之...所以其實自己本身好唔想寫... 但係後來我有位中學同學(讀環境科學的)問我, 乜原來香港真係有d咁既貓架? 我開始明白, 其實我地本雜誌定位! 香港人本身, 其實對自己身邊的wildlife真係唔熟悉. 你問100個朋友, 我諗100個都唔知香港有種動物叫小靈貓...所以我地真係好希望各位版友即使覺得內容好淺, 都幫幫忙向外宣揚同share. 等更加多人知道, 原來香港係有wildlife的! 我真係好希望篇野唔係由我寫..可惜我唔知可以去邊搵人寫..好希望將來論壇和雜誌都會有更多專業的人士願意幫我地一把! [ 本帖最後由 blackdogto 於 2009-10-16 02:06 編輯 ]
作者: kingarthur    時間: 2009-10-16 03:10     標題: 回覆 #69 blackdogto 的帖子

Yes, we are all amateurs yet we always speak the truth!
作者: Sze    時間: 2009-10-16 13:09



QUOTE:
原帖由 blackdogto 於 2009-10-16 02:05 發表 但係後來我有位中學同學(讀環境科學的)問我, 乜原來香港真係有d咁既貓架? 我開始明白, 其實我地本雜誌定位! 香港人本身, 其實對自己身邊的wildlife真係唔熟悉. 你問100個朋友, 我諗100個都唔知香港有種動物叫小靈貓...所以我地真係好希望各位版友即使覺得內容好淺, 都幫幫忙向外宣揚同share. 等更加多人知道, 原來香港係有wildlife的! ...

是!就是這樣了!
作者: Sze    時間: 2009-10-16 14:56

仲要話俾大家聽 d wildlife 有幾慘! 我們可以做d 咩去幫佢地!




歡迎光臨 HKWildlife.Net Forum 香港自然生態論壇 (http://hkwildlife.net/Forum/) Powered by Discuz! 5.0.0