水螅 Aglaophenia whiteleggei?


軟珊瑚海雞冠 Dendronephthya sp.


黑珊瑚


環蠕藻 Neomeris annulata？ 第一次見的綠藻！


常見的裸鰓 Hypselodoris festiva


不知名的八爪魚


忙碌中的藍花蟹


海葵蝦 Periclemenes brevicarpalis

東平洲！我都去玩咗兩日，你即曰來回？回程時你是否坐上層駕駛倉旁？

我兩日都同班小朋友在碼頭旁的沙灘玩水，水底Ｄ垃圾多到我唔信，之前都無架，家陣成個灘的水底都係"尼龍袋" ，這些"尼龍袋" 唔知係新公厠地盤的物件，定係大陸這邊吹過來的，你潛水的位置有沒有這現像？

.......................................
睇完魚類篇才知你原來是星期六入東平洲的！

咁我咪同你同船入！？

[ 本帖最後由 獵隼 於 2007-8-20 18:47 編輯 ]

其實我地都係住係平洲士多！！
果個走埋你度，問你係咪影緊灰蝶的人，就係我啦！

唔怪得我好似係邊到見過你，有一次係大埔滘，Allen介紹過一次！

係呀！我們在大埔滘見過一次。  

我當時都覺得你好熟口熟面，但又唔記得在那裏見過，

我居然連 超級版主 都唔認得出，真係有Ｄ失禮！



這晚你地成三十人陣容很大，浩浩湯湯咁殺入去士多吃晚飯真係熱鬧；不過士多床位有限，我嗰晚只分配到訓門口位置，原來仲舒服過在房訓，可能空氣流通Ｄ呱。

仲有我見你班團友好多人都買咗本"海洋63家房客"，你有冇睇過？最重要係在本書最後一頁有 SimFish 個大名出現架！

我成個月前去到Dive Shop，見到本地製作的「海洋63家房客」，諗都唔諗就買左，原來SimFish都有份整，難怪所有魚都有I.D.lar...

有Ｄ失望是很多的照片於海外拍攝，很希望將來會有「香港海洋63家房客」出版！

本圖鑑係香港一班潛水愛好者無賞提供各地拍攝的照片及編輯工作,
細佬只係負責書中魚魚部份的校對,。
因香港沒有一本以香港人熟識的魚名的海洋生物圖鑑,
一係要講英文, 乜野snapper之類, 一係要講台灣引入的中文名,
例如冇人聽得明的乜野鯛之類,
所以除了學名外, 盡量加上本地俗名, 當然一些魚香港根本沒有, 才唯有用中文名了。
本書目的都係以圖鑑形式的認魚及其他海洋生物的書,
可以在港潛或外潛時可以參考下。
幾百條魚入面,好多都是香港有的, 不過要做一本完全香港海水魚的書,
相信家陣咁多人潛攝, 應該唔難, 不過係時間及人手問題。
呢本書的編輯人員前後都花左兩年時間至完成。

[ 本帖最後由 SimFish 於 2007-8-22 17:45 編輯 ]