隔牆有耳： TVB教人食翅接投訴
2010年02月26日

TVB新節目《為食總司令》喺 2月 21號首播出街，本來喺隔籬台講飲講食嘅名廚幟哥亮相大台，梗係要晒冷，以鮑參翅肚打頭炮，介紹如何挑選、享用呢啲名貴食材，更同嘉賓企喺兩塊人咁高嘅魚翅後面大談食魚翅幾咁滋味。
好多觀眾睇完節目後，質疑鼓吹食魚翅太不該，事關 TVB一方面有陳志雲帶隊去冰川講環保，話北極熊好慘，另一方面卻喺節目中津津有味食牛扒咁厚嘅魚翅，講一套做一套，好冇誠意保護地球生態啫。節目引起公憤，影視處稱接獲 19宗涉及此節目投訴，廣管局會按既定程序處理。
無綫發言人話都接獲 9個投訴，會轉交節目製作人參考，又指《為食總司令》主要介紹香港美食天堂代表性菜式，以資訊角度介紹中國飲食文化。
舊年亞視節目《豪遊天下》預告片介紹食鯨魚肉，遭保育團體炮轟，亞視知衰抽起食鯨片段， TVB冇講日後仲會唔會繼續叫人食翅，強調製作部會考慮保育團體嘅關注。

幟哥（左）同兩塊巨型魚翅上鏡，保育人士話睇到心寒。
無綫電視畫面

(李八方)

http://hk.apple.nextmedia.com/template/apple/art_main.php?iss_id=20100226&sec_id=4104&subsec_id=15333&art_id=13765078&cat_id=45&coln_id=20

推介魚翅菜式 無綫節目被譴責
【本報訊】鯊魚數目日益減少，部分品種更屬瀕危物種，環保團體經常呼籲禁食魚翅以保護海洋環境。不過，無綫電視翡翠台本周日飲食節目《為食總司令》，卻詳細介紹各種鯊魚及相關菜式製作方法，更推介魚翅菜式優點，被環團及多名網民炮轟等同鼓吹食魚翅，強烈譴責有欠環保。廣播事務管理局共接獲廿三宗投訴，當局會按既定程序處理。

由「食神」黃永幟主持的無綫飲食節目《為食總司令》，本周日晚上八時播映的一集介紹各魚翅種類及菜式的製作方法，當中有嘉賓試食環節，大談魚翅菜式的優點，被環保觸覺批評鼓吹食魚翅，做法極不環保。多名網民事後在無綫官方網站有關該節目的網頁投訴，直斥節目「大包圍」談及小鯊魚至大鯊魚，做法離譜；亦有網友揶揄無綫早前派高層訪冰川談環保，轉眼又鼓吹食魚翅「好虛偽」！

無綫發言人強調，該集節目主題為鮑參翅肚，遂介紹魚翅的菜式，強調會尊重環團意見，並將意見向製作組反映，至今接獲九個相關投訴。

http://orientaldaily.on.cc/cnt/news/20100226/00176_014.html

意見接受，態度照舊。之前 d 飲食節目接過咁多投訴，電視台又點會吾知乜野題材會觸動到環保人士神經？我認為電視台根本就預左，接投訴當食生菜。

做主持o個個本身又開酒樓，點會吾鼓勵人食山珍海錯？咁咪搵少好多錢？

咁又係喎.

亞視之前都有黃麗梅《豪遊天下》食鯨肉事件...

鯨肉都出埋???
係咪一定要食曬人成家先會收手.......
咁多肉唔食，係都要食呢d........

鯨魚遲早絕種