蕉坑算是貓較常到的攝蟲點，雖然有開放時間（逢星期二休館），但早到或遲走都沒問題，閘門長期開放，除非是想去參觀展館啦～

獅子會自然教育中心位於蕉坑特別地區內。
中心內設有幾個展館包括：昆蟲館、貝殼館、中草藥園、漁業、農業和受保護自然環境為主題。昆蟲館外有一隻大大的龍眼雞模型，可惜經歷日曬雨淋，顏色都退卻，可能遲些可以改名為渡邊長吻白蠟蟬
除展館外還種植多種農作物及果樹等，吸引了多種被人稱為「害蟲」的蟲蟲來覓食。

貓的尋蟲主要幾個地點有：
竹林、柑橘園、農地

竹樹上可找到竹緣椿、眼蝶吸食汁液，及大突肩瓢蟲，夏天遇到竹象鼻。

各種眼蝶


竹緣椿一家大小


大突肩瓢蟲


[ 本帖最後由 貓魔鈴 於 2006-6-30 22:22 編輯 ]

可找到蠟蟬、柑橘潛葉甲、格椿、星天牛、桔褐天牛、金象甲……

星天牛


格椿

向日葵會見金象甲



瓜棚

狹葉菌瓢蟲瓢蟲


香瓜銹天牛


短角瓜椿



水種農作物有狹臀瓢蟲、蜻蜓、蜻蜓稚蟲……

藍額疏脈蜻

巨大瓢蟲


擬步行蟲


泥大蚊



其實還有很多品種的蟲蟲，有待各位去尋覓～^^

仲實可以見到不常見通常只會係西貢出現既髮冠卷尾添. 拿.. 見到唔等於影到架講明先.

。好正既簡紹; 最正係有咁多美麗既蟲蟲照。

我好想問 "金象甲"係鞘翅目既咩科的成員???

得貓魔鈴推介, 星期六去蕉坑走一趟.
雖然唔係第一次去, 但係呢次我留得最耐一次.
交通方面補充少少, 可以係鑽石山或者彩虹坐92去到北港落車, 行過對面就係.

我主要影蝶同蜻蜓多, 其他蟲少影.
留左三個多鐘, 見到:
小眉眼, 長紋黛眼, 白帶黛眼, 藍鳳, 美鳳, 巴黎翠鳳, 玉斑, 玉帶, 燕鳳BB, 青鳳, 木蘭青鳳, 統師青鳳, 黃粉蝶, 鶴頂粉, 遷粉, (東方)菜粉, 美眼蛺, 斐豹蛺, 白腹小蟌, 網脈蜻, 玉帶蜻, 錐腹蜻等. 聽師兄講仲有緬甸嬈灰, 但係我搵唔到.

就當日所見, 最好十一點以後入場, 之前會比較多旅行團參觀, 人會比較多.
很多地方都有水龍頭, 可用作洗手及面, 以作降溫除汗.
如果真係太熱, 可以走展館..."嘆冷氣"
蕉坑真係一處好地方!!!

象鼻虫科.

搭小巴會快d. 係彩虹天主教中學對面.

thank you ~!! 依隻虫一直係我果私人影簿係未分類的～

緬甸嬈灰及柑橘鳳蝶都曾遇過一次~
另外還有尖翅銀灰添~

咪咁引我啦, 貓兄~
我又想去搵佢地啦~~~
除九丈遠影過一次尖翅銀灰外, 其他見到未見過

我暫時去過兩次. 兩次都未見過你地所講既蝶蝶呀. (緬甸嬈灰,柑橘鳳蝶,尖翅銀灰)

柑橘係超少見，貓見到真的好好彩呀。

緬甸嬈灰蝶係九月以後先會見到。其實影蝴蝶除了有對的地點外，也要有對的時間，還有對的植物附近才易找到。

緬甸嬈灰蝶聽說(駐守那兒的漁農處職員)在九月以後的早上或黃昏在樹蔭下才找到，而且很難發現。

根據記錄, 緬甸嬈灰蝶在六月已經會有, 但係可能到九月先當造, 詳情我不太清楚.
兩個星期前, 據一位師兄所講, 他在蕉坑拍得緬甸嬈灰蝶, 但很殘. (吹水另計)
相同的是,  要在樹蔭下才找到, 這亦是嬈灰蝶的習性.
多謝小晴子提供資料

其實有好多車去獅子會.. 市區去西貢o既車都得.. 官塘, 德福, 九龍城, 旺角都有小巴去.

即使遠至小西灣, 假日都有車去... 好方便..

我屋企樓下有 巴士來回. 哈..

我樓下都有