各位, 小弟正在做一個關於鱟(又叫馬蹄蟹)分佈同食用情況既study
若大家在郊外發現其蹤跡, 希望可以PM俾我個位置, 發現日期同時間 (如能提供照片更佳 )
或者大家響街市/食肆發現有鱟出售, 亦希望可以通知小弟
香港.華南甚至亞洲其他地區既紀錄都會有用
謝謝大家幫忙!

漁護署相關網頁:
http://www.afcd.gov.hk/tc_chi/conservation/con_mar/con_mar_hor/con_mar_hor.html)

[ 本帖最後由 chickenold 於 2007-2-6 00:04 編輯 ]

未見過野生馬蹄蟹~~ 但係西貢碼頭邊果d海鮮酒家.... 就間間都有!! 仲有好大隻!!!!!

好多村民同學者都話十幾年前好多海灘都有鱟既蹤影
而家就少之又少

通常成鱟會在海床生活, 到繁殖季節會爬上泥灘交配產卵
現在幼年鱟只見於香港西邊水域既泥灘, 惟數量急劇下降
東邊水域現只偶爾發現成年個體, 但有人懷疑可能係野放, 因為佢地既體積俾西面水域的大很多

想問有無版友食過鱟?

wetlandpark 攝影比賽見到有一張係. 應該係白泥影既:

http://www.wetlandpark.com/wwd/en/activities/photo.asp

大澳成日都有得賣

eee.. 我見到d野喎...

活動花絮

「濕地攝影」工作坊已於10月29日順利舉行，當日有56位對攝影有濃厚興趣的人士參與由著名生態攝影師盧嘉孟及深藍先生主講的濕地攝影講座，及近30位人士參與濕地攝影工作坊。是日我們到訪沙橋、南生圍及米埔自然保護區等香港著名的濕地生境，如漁塘、蠔田、蘆葦床和泥灘等。參加者各自攜帶攝影器材，將鏡頭轉到與漁業有關的濕地生境和當中的生趣，並運用學到的攝影技巧將各處的濕地美境拍攝下來。

濕地公園個展覽館都有馬蹄蟹.

收到風, 鹿頸泥灘近半年有出現過...

早兩年做生態導遊, 同大澳漁民合作, 將佢地捉到既馬蹄蟹低價收買, 用黎教完團員相關生態知識就放番佢地去大嶼山西北邊佢地出沒既海灘水域 (應該唔會鼓吹捕捉, 因為同佢地傾掂數, 街外人買會貴好好好多, 佢地反而仲有得賺)

其實佢地都唔會特登捉, 都係拖魚既時候順手拖左上黎; 短短一年間, 我地想同佢地買都無, 見到返黎既馬蹄蟹越黎越少, 越黎越細, 得隻飯碗咁大

以前細個, 見人o係蝴蝶灣沙灘水邊就咁用手都"的"左兩隻好似面盆咁大既上黎, 此情不再了....

西貢o個o的係大陸偷運落黎架
不過奇怪大陸馬蹄蟹係二級保護動物 (無記錯呀呵~? )
反為唔覺受保護....

國家保護級數係價錢指標：
http://www.hkwildlife.net/viewth ... =%E9%A0%92%E4%BD%88

尋日去左搵鱟, 生既唔見, 但係就先後見到兩隻曬乾咗
兩隻都未成年, 似乎係因為某d原因反轉咗, 但係自己反唔番 (正常用條劍尾可以反到), 結果...

鱟約需蛻皮17次方能完全成長
呢兩隻估計係五齡鱟同七齡鱟
對番特徵, 似係香港最多見o既中國鱟Tachypleus tridentatus

頭胸部有六對附肢, 果對小鉗用黎搵食物


腹部

聽講以前東涌好多，不過起o左機場跑道後，就好難見啦。去年問東涌水上人家，曾經拖網時拖到，不過好耐之前o既事啦。

第一次清楚睇牠的腹面,請問牠的口部在哪裡呢?
可惜看到的已經.....................................................
其實好多人對牠們都很陌生,努力研究啊~讓大家對牠們認識多一點

東涌同大澳中間有個地方叫鱟殼灣, 可想而知以前應該通灘都係
依家香港只見於西面水域沙灘上繁殖, 而且亦不多見

口在附肢基部
所以被歸類為肢口綱, 劍尾目

兩三年前到都仲係東涌附近見過, 不過都係得個殼...

幾年前西貢鹹田灣間茶水舖道都有幾個殼展出。