對鎖羅盤有情意結，二十一年前同朋友晚上八點路經鎖羅盤打算去荔枝窩露營。下著雨，入村時朋友仆低，跌壞了電筒，要兩人共用一支。拿著地圖和指南針，找不到地圖上去荔枝窩的路，在村內團團轉了三粒鐘，心都寒，最後只好到碼頭扎營。
11年前晚上重遊舊地，玩了一晚，重係海中暢泳一番。
今日5點幾先去到鹿頸，為求省時，取道淹沒了很久的谷鎖古道，6點9到達鎖羅盤，天黑齊，着著電筒，突然遠方有兩點光！原來是赤麖，接著有很多兩點光！原來是黃牛。又突然遠方有白色兩點光，但不是橫向，而是垂直的！心想是人吧！但邊個會咁癲？先 say hello，但無回應。只有繼續行前去，原來是一個害羞的人，原來係一個人專程沿路收番琴日HK168跑山比賽的指示牌！夜間在荒野中，見到人比見到任何動物都可怕！
沿途一片開闊，因為樹都斬晒，比以前更荒涼。去到海邊意然見到箭豬！重係淡水濕地搵到一種未見過的長形仰泳蝽。
回程返到距離谷埔約一公里的位置時，發覺條路有點陌生，攞個 smart phone出嚟，睇睇 "My Track" 上的路徑，果然偏離了去程的路缐，但果度有四個分叉路，結果係四條路上來回了五次，轉左半粒鐘都無法找到原來的路，最後只好選一條完全偏離的路，結果都返得到谷埔，返到屋企成十點。

我仲未夠彊一個行夜山 ...

仰蝽是否小仰蝽屬 (Anisops sp.)?
之前在大埔見過一次

似是，香港最少兩種。

有時白天更危險，因為壞人多。